شمس الحرية
عضو جديد
عدد الرسائل : 28
العمر : 33
تاريخ التسجيل : 25/06/2008
 | موضوع: عمل للجميع  الجمعة مارس 13, 2009 2:39 pm | |
| السلام عليكم و رحمة الله اما بعد ده الموضوع :
اخواني و اخواتي في الله/
اكيد كل و احد مننا بيحزن حزن شديد و قلبه بيتقطع لما يشوف اللي بيحصل في العالم الإسلامي و العربي و خاصة في غزة الان ........ولا حول ولا قوة الا بالله.
و لكن ماحدش سأل نفسه انا اقدر اعمل ايه اقدمه لأمتي الإسلامية الممزقة؟
انا فكرت و لاقيت ان في عندنا سلاح قوي جدا في ايدينا و نقدر نردع بيه اعداء الله و خاصة الامريكيين....الا و هوالمقاطعة...يا جماعة السلاح ده مع انه بسيط , و لكنه فعال جدا جدا وانا عايز اقول حاجة ..ان اللي بيحصل ده و بنحزن عليه هو اللي احنا عاملينه في نفسنا,لأن اعداء الله بيكسبوا على افانا احنا, و احنا اللي بنمدهم بكل حاجة...و شأن الامة الكبيرة هو شأن الاسرة الصغيرة و الدكان الصغير ..بل و المسلم الصغير ..نعم اخوتي و اخواتي ان يد الله مع الجماعة و المسلم للمسلم كالبنيان المرصوص..
للي مش مقتنع بكلامي اقول له : طب تعالى نعملها بالعقل,لو واحد بيشتري منتج من منتجات اعداء الله بجنيه كل تلات ايام و لعبت في دماغه فكرة المقاطعة و بطل يشتري هو و عشرين واحد تاني....عارفين هيخسر المنتج ده كام سنويا؟ الف و تسعماية و عشرين جنيه!....و تخيل لو فضلت تتضاعف الفكرة ده شهريا بين المسلمين بلاش يوميا ...شوفو بقة هيخسر اد ايه؟! و طبعا انتوعارفين ان التجار مش بيجيبوا بجنيه كل تلات ايام ..دول بيجيبو بخمسين جنيه كل شهر!
يا جماعة مش معقول نسكت اكتر عاللي بنشوفوا ده , و لازم نتحرك(إلا تنفروا يعذبكم عذابا اليما) ...........و ده واجب عملي بسيط و مش هيكلفك حاجة اطلاقاو لو انتشرت الفكرة ,تكبد اعداء الله كل الخسائر.
هاه...فكروا كويس ..و بعدين اللي احنا بنشتريه منهم مش رز ولا لبن ولا زيت ولا سكر,لأ دول شوية ميه مسكرة و كام مطعم ,واحنا طول عمرنا عايشين عالعيش و الملح , و فكر ...مش غيرك في فلسطين و افغانستان محتاجين الفلوس اللي بتشتري بيها المنتج اكتر منك؟ يعني في كلا الحالتين هتوفر فلوس ليك او لغيرك.
يعني و الله الموضوع محتاج كلام كتيير بس مش عاوز اطول عليكم ...بس عايز منكم حاجتين اول حاجة:ان امانة على كل اللي كل اللي قرا الموضوع ده ينشره لواحد على الاقل لأن نشر الفكرة هو رصاص السلاح,و تاني حاجة تشاورو عقلكم في كلامي ده , و اللي عجبه يا ريت يرد عليا و انا اكون شاكر جدا ليكم و فرحان...عايزين نشجع بعضنا , و ارجوكم ردوا عشان نكمل الموضوع عشان هو لسه مانتهاش و في افكار كتيييييييرعايز اقولهالكم بس عاوز تجاوب ان شاء الله ...عايز احس ان في زيي مسلمين زعلانين على اللي بيحصل في الامة الإسلامية ,و عايزين يغيروا واقعها فعلا............ اسف على الإطالة.
و جزاكم الله خيرا
و السلام عليكم و رحمة الله و بركاته | |
|
ابن الشمال
عضو جديد
عدد الرسائل : 15
تاريخ التسجيل : 20/03/2008
| | موضوع: رد: عمل للجميع الإثنين يناير 04, 2010 7:09 am | |
| | |
|
